ບໍ່ມີຫຼັກຖານວ່າ ຣັດເຊຍ ມີສ່ວນຮ່ວມໃນການກໍ່ລັດຖະຫານຢູ່ ນີເຊ ອີຕາລີ
ຕາມຂ່າວ ອາທີ ນິວ ຣັດເຊຍ ລາຍງານວັນທີ 3 ສິງຫາ 2023 ນີ້, ທ່ານ ອັນໂຕນິໂອ ທາຈານີ ລັດຖະມົນຕີການຕ່າງ ປະເທດອີຕາລີ ເປີດເຜີຍ
ວ່າ: ອີຕາລີ ກຳລັງກ້າວໄປສູ່ເສັ້ນທາງທີ່ດີໃນປະເທດອາຟຣິກາ. ທ່ານລັດຖະມົນຕີການຕ່າງ ປະເທດອີຕາລີ ໄດ້ກ່າວຕໍ່ໜັງ ສືພິມ ລາຣີພຣັບບິກາ (La
Repubblica) ໃນວັນດຽວກັນວ່າ: ລັດຖະບານນະຄອນຫຼວງໂຣມ ບໍ່ມີຫຼັກຖານກ່ຽວກັບການເຂົ້າຮ່ວມຂອງ ມົດສະກູ ໃນການກໍ່ລັດຖະປະຫານ
ຂອງທະຫານໃນນະຄອນຫຼວງໄນອາມີ.
ຄວາມວຸ້ນວາຍຢູ່ນີເຊ (Niger) ໄດ້ເຮັດໃຫ້ທັງ ສະຫະລັດອາເມຣິກາ ແລະ ຝຣັ່ງ ປະຫຼາດໃຈ. ທ່ານ ກ່າວຕື່ມວ່າ: “ພວກເຮົາບໍ່ມີຂໍ້ມູນກ່ຽວກັບ
ການມີສ່ວນຮ່ວມຂອງ ຣັດເຊຍ ໃນເຫດການຂອງຊາວ ນີເຊ ຫຼື ການກະກຽມຂອງການກໍ່ລັດຖະປະຫານ,” ເມື່ອຖືກຖາມວ່າ, ມົດສະກູກຳລັງຫຼີ້ນເກມ
ບາງຢ່າງກັບປະເທດຊາເຮນ ຫຼື ບໍ່?. ທ່ານໄດ້ຂັບໄລ່ຜູ້ປະທ້ວງຊາວນີເຊ ທີ່ຖືຮູບພາບຂອງ ທ່ານ ວະລາດີເມຍ ປູຕິນ ປະທານາທິບໍດີຣັດເຊຍວ່າ, ເປັນ
“ການຕໍ່ຕ້ານ ຝຣັ່ງ ຫຼາຍກວ່າສິ່ງອື່ນ.” ທ່ານ ທາຈານີ ກ່າວວ່າ: “ມີຫຼາຍຄົນ, ບາງເທື່ອອາດທັງຫມົດໃນເອີຣົບ ຕ້ອງປະຫຼາດໃຈ” ຈາກການກໍ່ລັດຖະປະ
ຫານ, “ບໍ່ມີໃຜຮູ້ເລື່ອງນີ້, ທັງ ອາເມຣິກາ ແລະ ຝຣັ່ງ.” ທັງສອງປະເທດມີກອງກຳລັງທະຫານຫຼາຍກວ່າ 1,000 ຄົນຢູ່ນີເຊ ແລະ ຖານທັບໂດຣນ (drone)
ເພື່ອປະຕິບັດການຕ້ານການກໍ່ການຮ້າຍ; ມີທະຫານອີຕາລີ 350 ຄົນຢູ່ໃນ ນີເຊ ແລະ ພວກເຂົາຍັງຄົງຮັກສາຢູ່ທີ່ຄ້າຍຂອງເຂົາເຈົ້າໃນປັດຈຸບັນ.
ທ່ານ ທາຈານີ ກ່າວເສີມວ່າ: ທາງການ ນີເຊ ກໍເບິ່ງຂ້າມ, ເນື່ອງຈາກ ນາຍົກລັດຖະມົນຕີນີເຊ ເຂົ້າຮ່ວມກອງປະຊຸມສຸດຍອດດ້ານສະບຽງອາຫານ
ຂອງອົງການ ສປຊ ຢູ່ນະຄອນຫຼວງໂຣມ ອີຕາລີ. ທ່ານ ທາຈານີ ກ່າວຕໍ່ໜັງສືພິມຕື່ມວ່າ: ອີຕາລີສະໜັບສະໜູນ “ຄວາມພະຍາຍາມທາງການທູດ ເພື່ອ
ບັນລຸຂໍ້ຕົກລົງ,” “ປະ ຊາທິປະໄຕຕ້ອງໄດ້ຮັບການຟື້ນຟູ. ແຕ່ພວກເຮົາຕ້ອງການວິທີແກ້ໄຂບັນຫາໂດຍສັນຕິ. ພວກເຮົາຄັດຄ້ານຂໍ້ສະເໜີຂອງການແຊກ
ແຊງທາງທະຫານຂອງເອີຣົບມາໂດຍຕະຫຼອດ.” ພ້ອມກ່າວຕື່ມວ່າ: ທ່ານ ນາງ ຄາເຕີຣິນ ໂຄລອນນາ (Catherine Colonna) ຄູ່ຮ່ວມຕຳແໜ່ງຈາກ
ຝຣັ່ງຂອງທ່ານ ທາຈານີ “ບໍ່ເຄີຍ” ເປີດເຜີຍເລື່ອງການແຊກແຊງທາງການທະຫານກັບທ່ານ. ມົດສະກູ ໄດ້ກ່າວປະນາມການກໍ່ລັດຖະປະຫານໃນວັນພຸດ
ວັນທີ 2 ສິງຫາ ວ່າ, ເປັນການລະເມີດລັດຖະທຳມະນູນຂອງນີເຊ ແລະ ຮຽກຮ້ອງໃຫ້ທຸກຝ່າຍຫຼີກລ້ຽງການໃຊ້ຄວາມຮຸນແຮງ.
ກຸ່ມປະຊາຄົມເສດຖະກິດຂອງລັດອາຟຣິກາຕາເວັນຕົກ (ECOWAS), ເຊິ່ງເປັນກຸ່ມປະເທດໃນອາຟຣິກາຕາເວັນຕົກ ທີ່ໄດ້ຮັບການສະໜັບສະ
ໜູນຈາກຕາເວັນຕົກ, ໄດ້ວາງມາດຕະການລົງໂທດຕໍ່ລັດຖະບານທະຫານໃນນະຄອນຫຼວງໄນອາມີ ແລະ ຂົ່ມຂູ່ຈະແຊກແຊງທາງທະຫານ ເພື່ອຊ່ວຍ
ເຫຼືອທ່ານ ໂມຮາເໝັດ ບາຊູມ ປະທານາທິບໍດີນີເຊ ຄືນສູ່ອຳນາດ (Mohamed Bazoum). ທາງການປະເທດມາລີ ແລະ ບູກີນາຟາໂຊ ກ່າວວ່າ:
ສິ່ງນີ້ຈະເປັນການປະກາດສົງຄາມຕ້ານພວກເຂົາທີ່ກໍ່ລັດຖະປະຫານເຊັ່ນກັນ.
ແຫຼ່ງທີ່ມາ: ໜັງສືພິມກອງທັບ
ວັນທີ 09/08/2023